صوت الحسين(ع)

ياهو كَال الشيعة فقدت جم حسين
وياهو كَال هوايه وادم تبعته

صاح صوت من السما بمقتل حسين
وبعده لسه يصيح محد سكته

أقنعتكم كلها طيحها الحسين
الثورة ماخلت وجه ما كشفته

وحرتوا شتلّبسون سيدكم يزيد
وهيّ كل الشيعه عرفت صورته

ومن فضحكم نور الٌحسين
سيوفكم للراس راحت كَصته

وتا لي حرتوا ماطفه راس الحٌسين
وفوق راس حسين ضوّت جثته

ومن فشلكم شلتوا راسه إعله الرماح
وكَلتوا راس حسين نزلت قيمته

ما تنزله رماحكم راس الحسين
با لعكس عا لروس كلهن علٌته

ثبتت الكفار فوزك ياحسين
والجرى بصفين بالطف عادته

وبقت جثته حسين تضوي إعله التراب
وانتقل نور الحٌسين بتربته

وهسٌه كلمن يسجد بتربة حٌسين
تنزل الجنٌة تختمه بكَصته

وإنتوا بيكم بينّت شارت حٌسين
وماعلينه شلون بيّن شارته

المهم فوزين فزنا إحنا بحٌسين
فوز حبٌه وفوز فضل زيارته

الله يحسب حجة وحدة بكل سنة
للسبع مرات طايف كعبته

وإحنا لو رحنا مشي نزور الحسين
نمشي كل خطوة تعادل حجته

ويبقى صابغنه السواد إعله الحسين
ونبقى للميعاد نذكر ثورته