بعسر غير النوايب فاتحت من

بعسر غير النوايب فاتحت من

بعسر غير النوايب فاتحت من
وسهم غدرك بكلبي فات حتمن
اكتلتني وجاي تنشد فاتحه من
ولا جنك رحت جناز بيه

رخا جسمي علمودك منرخه اصتك
واسومن بيك غالي من رخصتك
دست فوكي تكلي من رخصتك
حتى براحتك تسحك عليه

صديجي وياي شوكبح وخصم
وخبن من ثوب عشرتنه وخصم
ضل يحجي بحجي ماصخ واخذ صم
ملح ذره على جرحي وكفر بيه

بجتلتي بسيف ويه اعداي برزخ
وعلى زخ المطر شر موش بر زخ
وين انطي الوجه واصبحت برزخ
حياتي وبعد برزخ للمنيه

شعجب كل يوم تتراخى وجلباك
الدغش وكر على كلبك وجلباك
نخيتك كمت تتمضحك وجلبك
عرك وجهه وبجه اعله الصار بيه

اعتنه الشامت لعد جرحي شلالي
وعكب ما صارت الخوه شلالي

جتفني ابن امي وجلبه شلالي
الجلب هو الفزع لي وفك اديه

الليالي لو غ بالمامش لغني
ومن طاري الفرح كلش لغني
لا ون لا لي حيل ابجي لغني
الينفهنلي الكلب ظاعن عليه