الناس تموت ما واحد حماها

الناس تموت ما واحد حماها
ولا صح يوم غيرتهم حماها
اذا شايف چنّه حبتهه حماها
وكتهه گول حنّوا عل الرّعيه




يدنيه ظلّي بالطيبين همشي
بگباحه تگول ذوله منين هم شي 

عله إيدي النّوب بالمگلوب همشي
وبلچي نشوف مگلوب الدّنيه




نشد عن الوكت جاير .... بلي جار
وعن حبل الحزن جرك .... بلي جار
عراقي وبالعراق اسكن .... بالايجار
وفلا ابيع الوطن حد المنيــــه





شد حبل الوصل والكاه محتال
بسبب لن التريده الروح محتال
احتل كلبي ورضيته يكون محتال
وجبتله الكرسي ريسته علية





بيني وبينه تدري شصار.وشجار...
الزمان وياي بس اعراك.وشجار...
ناس امربعه وسط الماي.وشجار..
عليها و في غصن حسره عليه..





اجي الدارك تكلي من حضرتك
نسيت بضيج خايب من حضرتك
انه الاسباب عندي من حضرتك
حضرتك من كمت تلعب عليه




حبك وسط كلبي انبنه قاطات
وعليه اليوم صار اسنين قاطات
لجل حالك ابدل هدم قاطات
دخيلك من تمر عاين عليه . . .




عليك هواي ناعم من يدك لك !
فرح شامت بجرحي من يدك لك !
أذا كلبي ويه كلبك من يدك لك !
@ يصير أفيوز ويطكن سويه